Dënohet me tre vite burg këngëtari Bojken Lako

Gjykata e Tiranës ka dënuar me tre vite burg këngëtarin Bojken Lako. Raportohet se Lako është dënuar për akuzën “ndërtim i paligjshëm” me qëllim fitimin. Mësohet se vendimi me burgim do të konvertohet me tre vite shërbim prove.

Sakaq, veç dënimit me burg, Lako është dënuar edhe me një gjobë prej 500 mijë lekësh nga IKMT. Ngjarja e ka zanafillën 1 vit më parë, ku kompozitori kishte marrë një godinë me qira, me qëllim rikonceptimin në një studio muzikore.

Punimet në këtë godinë i kanë kushtuar shtrenjtë Lakos dhe tani do të duhet të përballet me ligjin.