”Dhashë shtëpinë me qira dhe shita makinën”, Sara hoqi dorë nga gjithçka para se të hynte në Big

”Big Brother Albania Vip 3” ishte një eksperiencë e kërkuar dhe e dëshiruar nga Sara Gjordeni, që erdhi në një moment të vështirë në jetën e saj, edhe pse aventura mbaroi me përjashtimin e saj nga shtëpia një javë më parë.

Në një intervistë për “MeKast” me Megi Pojanin, Sara rrëfeu se ftesa për t’u futur në shtëpinë më të fashmë i erdhi në çastin e duhur.

“Kisha pasur një vit shumë të vështirë. Nisa një punë, e pashë që nuk po më plotësonte, mund të bëja diçka tjetër. Në momentin që m’u dha oferta për t’u futur në Big Brother, thashë më duhen këto emocionet e mëdha, më duhet ta kthej jetën time nga e para të shohim se ku do të dalë”.

Para se të bëhej pjesë e formatit, ajo zbulon se hoqi dorë nga shumë gjëra. “Përpara se të futesha në Big, kam nxjerrë shtëpinë me qira, kam nxjerrë makinën në shitje, hoqa dorë nga puna”.