E gjithë bota e muzikës është ende në tronditje dhe pikëllim për vetëvrasjen e Liam Payne. Ai është parë duke debatuar ashpër me një grua në hollin e hotelit ku po qëndronte në lagjen e Palermos, në qytetin e Buenos Aires. Gruaja i kërkoi para Payne, megjithëse pa që muzikanti u largua pa i dhënë asgjë. Michael Fleischmann, nga Shtetet e Bashkuara të Amerikës, është personi që komentoi diskutimin me zonjën dhe tha se edhe Payne është parë duke qëndruar në hotelin luksoz dhe pretendon se vetëm tre orë para vdekjes së Payne, këngëtari dukej i acaruar.
”Unë do t’ju jap 20,000 dollarë vetëm sepse mundem. Unë kam 55 milionë dollarë dhe më pëlqen t’i ndihmoj njerëzit”,-thuhet se janë fjalët që ka thënë Payne. Shtetasi amerikan ka sqaruar se gruaja ka folur me Payne me ndihmën e një punonjësi hoteli në përkthim, pasi i është drejtuar vetëm në spanjisht.
Nga ana tjetër, një emision i famshëm televiziv argjentinas dha informacionin se Liam Payne kishte qenë në dhomën e tij në momentet e fundit me dy femra që kishte punësuar. Madje, programi ‘Mañanisima’ i América TV tha se gratë që ishin me Payne quheshin Aldana (27 vjeç) dhe Lucila (31 vjeç). Pyetja që tani mbetet për t’u zbuluar është nëse gruaja që i ka kërkuar paratë muzikantit është vërtet një nga dy vajzat e përmendura në televizionin argjentinas./Tar
