Dua Lipa i thotë “jo” performancës në ndeshjen e Anthony Joshuas

Dua Lipa nuk do të jetë pjesë e eventit të shumëpritur të boksit mes Anthony Joshua dhe Tyson Fury, që planifikohet për fundin e vitit 2026.

Sipas BBC Sport, këngëtarja shqiptare ka refuzuar ofertën për të performuar gjatë spektaklit. Më herët, Turki Al-Sheikh kishte lënë të kuptohej se mungesa e saj mund të ndikonte në zhvillimin e ndeshjes, ndonëse mbetet e paqartë nëse deklarata ishte serioze.

Përballja Joshua-Fury konsiderohet një nga duelet më të mëdha të boksit britanik dhe pritet të zhvillohet në Wembley Stadium. Megjithatë, para kësaj sfide, Joshua duhet të përballet me Kristian Prenga më 25 korrik, një duel që mund të ndikojë në realizimin e supersfidës.

Edhe pa praninë e Dua Lipës, interesi për këtë përballje mbetet shumë i lartë dhe pritet të tërheqë vëmendjen e publikut në mbarë botën.