Dua Lipa është padyshim një nga artistet më të njohura në botë dhe ka miliona fansa kudo. Në një intervistë të fundit për revistën e njohur “Wall Street Journal”, Dua vuri në dukje se pavarësisht nga karriera e saj e zënë muzikore, ajo ende arrin të mbajë private disa aspekte të jetës së saj.
Ajo gjatë intervistës reflektoi mbi jetën e saj familjare. Para se ajo të lindte, familja e saj jetonte në Kosovë. Për shkak të luftës në Bosnje, ata ikën në Londër në vitin 1992. Lipa u kthye në Kosovë me familjen e saj kur ishte 11 vjeçe, por ajo përfundoi duke u kthyer në Londër në moshën 15 vjeçare për të ndjekur karrierën e saj të muzikës.
Dua ka ruajtur ende një lidhje me trashëgiminë e saj kosovare. Këngëtarja thotë se kur ka postuar për kulturën e saj në rrjetet sociale, ka marrë disa kritika të ashpra nga disa ndjekës.
”Kam lexuar shumë komente nga njerëzit që më thonë se nuk kam shtet, nuk kam identitet, Kosova nuk ekziston. Kam jetuar në Kosovë, i di jetët e humbura. Që dikush të më mohojë identitetin dhe përvojën time, është e vështirë për mua të qëndroj prapa dhe të mos flas për këtë. Pra, kjo është diçka që unë do ta bëj gjithmonë”.