E vërteta e kër*ënimit ndaj Vrenozit tek ”ndenjat” për Selin, Miri: E kam adhuruar atë vajzë për…

Finalisti i ”Big Brother Albania Vip 5”, Miri ka ndarë detaje nga eksperienca e tij në “Shqipëria Live”, duke reflektuar mbi rrugëtimin dhe jetën pas daljes nga formati. Ai tregoi se rikthimi në përditshmëri ka sjellë një tjetër lloj përballjeje, këtë herë me pyetjet e vazhdueshme nga njerëzit e afërt. Sipas tij, kureshtja e rrethit shoqëror dhe familjar ka qenë e madhe për të kuptuar situatat që janë transmetuar gjatë spektaklit.

”Javën e fundit thash kur do dal, tani që dola them isha mirë aty. Kushdo që më takonte, nga rrethi im donte një shpjegim të gjërave të mia. Pyetja më e shpeshtë që më bëjnë është ‘ku e gjete gjithë atë durim’. Ose unë kam shumë durim, ose që të kesh durim është vlerë në shoqërie shqiptare”, tha ai.

I pyetur për deklaratat e Ilir Vrenozit, Shahini sqaroi se nuk ka pasur asnjë përplasje reale me Mirin, duke theksuar se situata është keqinterpretuar. ”Nuk e kam parë fare këtë video, ma kanë çuar shumë njerëz, ata që më duan dhe ata që nuk më duan. Ky episod ka ndodhur para se të futeshim në regjistrim në post Big Brother. Kam qenë me Monika Kryemadhi dhe Arbër Hajdarin, pyesni ata të thonë çfarë ka ndodhur. Nuk ka pasur asgjë mes nesh”, u përgjigj ai.

Sa i përket gabimeve gjatë rrugëtimit, ai pranoi se presioni i lojës ndikon në reagime. “Perfekt është vetëm Zoti. Disa gabime janë dhe pjesë e trysnisë dhe kur përballesh me uljen e dinjitetit, ku të dalin fjalë që në fjalorin tim jashtë nuk i kam”. Ai komentoi edhe raportin me Selinën, duke e përshkruar si një ndjenjë të pastër njerëzore. “E kam adhuruar atë vajzë për zgjuarsinë, e kam dashur si njeri…. njësoj si vajzën time. Nuk më pëlqente në atë aspekt, por e kisha ndjenjë njerëzore. Si vajzën time si ta shpjegoj?!”, u shpreh ai.