Gjesti me valixhen e tundimeve që e fitoi si lider i javës, ka shkaktuar polemika. Ai ka në dorë 7 zarfe. I pari është për të ndarë shtratin me Rizartën për dy javë. Ky veprim ka sjellë një reagim të fortë nga Egli, e cila nuk e ka fshehur zemërimin dhe zhgënjimin e saj.
”Këtë që bëre ti, nuk do ta bëja për një mijë vjet”,-i tha Egli me ton të lartë, duke shprehur hapur pakënaqësinë për zgjedhjen e tij. Nga ana tjetër, Gjesti u përpoq të sqaronte situatën, duke theksuar se ky vendim nuk ishte për ta bërë Eglin xheloze. Ai sqaroi se gjatë hyrjes së dy banoreve të reja, ai nuk kishte bërë asnjë lëvizje për të krijuar skena xhelozie apo për ta vënë Eglin në siklet.
Në mes të debatit ndërhyri edhe Gerta, e cila e vuri përballë një pyetjeje të drejtpërdrejtë: “Ke do të zgjidhje? Një vajzë?”,-duke iu referuar zgjedhjes së partnerit për të ndarë shtratin.
