Era Istrefi dhe futbollisti i famshëm shqiptar në një lidhje dashurie?

Në showbizin shqiptar është gjetur çifti më i ri. Sikurse mund ta keni kuptuar edhe nga titulli po flasim për Era Istrefin dhe Amir Rrahmanin. Sigurisht, ky është një lajm surprizë për shumë ndjekës të lajmeve rozë, pasi askush nuk e kishte vënë re më parë këtë romancë.

Mesa duket shkak është bërë prezenca e fundit e këngëtares në stadiumin e Napolit, skuadra me të cilën luan Amiri, futbollisti i Kombëtares së Kosovës. Era ndodhej atje me një mikeshën e saj dhe sigurisht postoi edhe foto në mediat sociale.

Kjo mund të mos jetë provë e mjaftueshme, por prisni se ka ende. Ata po ashtu ndiqen në Instagram.

Nuk mbaron me kaq pasi dyshja po i kalojnë pushimet në të njëjtin vend. Të dy ndodhen gjatë këtyre ditëve në Capri të Italisë. Edhe pse nuk kanë postuar asnjë foto së bashku, “Prive” shkruan se dëshmitarë okularë u kanë bërë me dije se i kanë parë bashkë.

Deri tani nuk ka ende asnjë detaji lidhur me romancën e tyre teksa asnjëri nuk ka reaguar ende. Ndoshta janë thjesht miq dhe mes tyre nuk ka asgjë romantike. Era është përfolur për disa lidhje dashurie, por nuk ka konfirmuar asnjëherë asnjërën prej tyre. Kohët e fundit ajo ka qenë aktive në muzikë pas një shkëputjeje dy vjeçare.

Rrahmani nga ana tjetër ka pasur një sezon shumë të suksesshëm me Napolin, duke fituar edhe Seria A, për herë të parë pas 30 vitesh.