Eurovision 2026, Alis me ”Nan” në gjysmëfinalen e dytë

Eurovision 2026 po afron. Shorti i hedhur në sallën historike të Bashkisë së Vjenës (Wiener Rathaus) ka përcaktuar se artisti Alis, fitues i Festivalit të 64-të të Këngës në RTSH, do të ngjitet në skenë në Gjysmëfinalen e Dytë. Kënga “Nan” do të performohet mbrëmjen e 14 majit. Edhe pse nata e performancës është përcaktuar, renditja e saktë (numri i kodit të votimit) nuk është vendosur ende. Kjo renditje do të përcaktohet në një moment të dytë nga producentët e shou-t (ORF) dhe do të miratohet nga EBU, për të garantuar rrjedhshmëri dhe dinamikë televizive të spektaklit.