Fenomeni Dua Lipa rikthehet në Kosovë (FOTO)

Dua Lipa është në kulmin e karrierës. Pas suksesit të jashtëzakonshëm në BRIT Awards, Dua ka bërë me dije datat e festivaleve që do të mbajë përgjatë sezonit të verës. Së fundmi 22-vjeçarja u përfol edhe për mungesën e saj në 10-vjetorin e Pavarësisë së Kosovës.

Pas shumë aludimeve, vetë babai i saj, Dukagjin Lipa, sqaroi se ka pasur bisedime, por jo një ftesë zyrtare për Duan për të performuar në koncertin e madh në Prishtinë. Në fund, Dukagjini tha se Dua do të rikthehet në Kosovë. Dhe ashtu është, fenomeni i ”New Rules” do të jetë këtë verë në Prishtinë.

Lajmin e ka konfirmuar vetë 22-vjeçarja, përmes një foto në Instagram, aty ku janë edhe shënuar vendet dhe datat e turit të festivaleve. Më 10 gusht, Dua Lipa do të jetë në Prishtinë për të gjithë adhuruesit e saj.

https://www.instagram.com/p/BfiqTpSFfl5/?taken-by=dualipa