Ferrari 280 mijë euro copëtohet pas përplasjes me një autobus, shpëton mrekullisht reperi

Reperi britanik, Swarmz, arriti që të shpëtonte pa lëndime nga aksidenti që pati me “Ferrar”-in 250 mijë paund (280.000 euro), pasi u përplas me një autobus në Londër.

Ngjarja ndodhi të dielën dhe makina sportive italiane thuajse u shkatërrua tërësisht.

Reperi i famshëm bëri një postim në “Instagram” ku tregonte se kishte qenë në vendin e ngjarjes kur kishte ndodhur përplasja, por nuk thoshte nëse makina ishte e tij apo ishte dikush tjetër që po drejtonte automjetin luksoz.