Këngëtarja mjaft e dashur nga publiku, Elhaida Dani ishte pjesë e “Ftesë në 5” në një intervistë ndryshe, nga ku zbuloi për herë të parë detaje nga rrugëtimi i saj në skenat ndërkombëtare.
Sa i përket eksperiencës në “The Voice of Italy”, këngëtarja kujtoi një moment shumë të vështirë në aeroport para se të hynte në Itali për shkak se s’ kishte para mjaftueshëm me vete.
”Nuk mē lejuan të futesha në Itali sepse nuk kisha mjaftueshëm para cash me vete. Nuk i kisha! Sapo kisha nisur karrierën time dhe familja më ndihmonte me aq sa mundej. Më lanë një ditë në aeroport dhe më kthyen në Shqipëri ditën tjetër se nuk e justifikoja dot vajtjen financiarisht. Sa herë hyj tani në Itali kam atë “pullën e zezë” dhe kjo gjëja më bezdis”.
