Flet fansi që e goditi me telefon Bebe Rexhën: E bëra për argëtim

Showbiz E Martë, 20 Qershor 2023 10:35

Këngëtarja shqiptare me famë botërore, Bebe Rexha të dielën ka mbajtur një koncert në New York, ku teksa po performonte në skenën, një nga fansat në turmë e goditi me telefon në fytyrë.

Kjo siç shihet edhe nga pamjet virale, kjo ndodhi në momentin kur ylli i famshëm po bënte simbolin e shqiponjës me duar.

Pas kësaj tronditje, këngëtarja e nominuar për “Grammy” ra në gjunjë me kokën ulur, teksa anëtarë të shumtë të ekipit nxituan për ta ndihmuar.

Në bazë të postimeve në Twitter thuhet se e ëma e artistes deklaroi që ajo bëri tri qepje pas asaj që ndodhi.

Së fundmi, janë publikuar video teksa është zbuluar personi që e bëri gjestin ndaj këngëtares shqiptare.

Në pamje shihen se si sigurimi e nxorën nga publiku duke mos u ditur më shumë se çfarë ka ndodhur tutje.

Sakaq, fansi i arrestuar, tha se këtë gjest e bëri për argëtim.

“Po përpiqesha të shihja nëse mund ta godisja me telefon në fund të shfaqjes, sepse do të ishte qesharake,” tha i akuzuari Nicolas Malvagna në dëshminë e tij.