FOTO nostalgjike, ja si dukeshin disa vite më parë femrat e njohura shqiptare

Sot ato i shohim të kuruara deri në detaj. Janë prezantuese, këngëtare, të cilat prej vitesh kanë arritur të bëjne emër në shoë-bizz-in shqiptar. Vite më parë, kur ende nuk kishin dalë në modë operacionet plastike, apo ndërhyrjet e tjera estetike, ato nuk kishin bukurinë “perfekte” që kanë sot. Ne kemi përzgjedhur disa prej këtyre femrave të njohura të ekranit për të sjellë në memorie edhe njëherë fillimet e tyre në karrierë.

Çiljeta Xhilaga

Të gjithë e kujtojnë Çiljetën e viteve 2000. Vajza e shkathët, e çiltër dhe pa shumë komplekse. Ajo do të arrinte të merrte menjëherë vëmendjen e njerëzve me prezantimin e spektaklit “Netët e klipit shqiptar”, ku u shfaq me flokët e shkurtra platin. Aty ajo prezantoi edhe këngën e saj të parë “Tekila”, ku pa dyshim u kthye në një hit asokohe.

Ndryshimet e saj në look, kanë qenë të shpeshta. Herë me flokë të zeza, herë me flokë të kuqe, herë bjonde, herë të gjata e herë të shkurtra.

Më pas ajo u shfaq më serioze, me ardhjen në jetë të djalit të saj Fernando.

Edhe ndërhyrjet estetike, ajo i ka pranuar gjithmonë, pa u fshehur nën hijen e “ndryshimeve me kalimin e moshës”.

Marina dhe Luana Vjollca

Të dyja motrat e nisën karrierën në moshë shumë të re si velinat e emisionit “Fiks Fare” në Top Cannel”.

Gjithmonë të pandara, dhe me një pajme shumë të ëmbël.

Marina i qëndroi besnike flokëve bjonde, ndërsa Luana ka eksperimetuar më shumë me ngjyrat e flokëve.

Sot ato duken shumë ndryshe nga vite më parë. Luana është përfolur më tepër për ndërhyrje estetike, por as nuk i ka pranuar dhe as nuk i ka mohuar.

Soni Malaj

Karriera e saj nisi me grupin “Spirti Vocie” ku në fund të viteve 90′ dhe fillimin e viteve 2000 ishin ndër më të preferuarat e shqiptarëve.

Më pas grupi do të ndahej, ku Soni do të vijonte karrierën e vetme. Sigurisht ajo arriti të bënte emrin e saj në fushën muzikore, dhe ja ka dalë më së miri.

Sot Soni duket shumë ndryshe nga e “Vogëla” e atyre viteve, dhe shpesh e komentuar edhe për ndërhyrje plastike.