FOTO/ Selin tregon gjendjen shëndetësore që po kalon

Fituesja e ”Big Brother Albania Vip 5”, Selin Bollati, po kalon një periudhë të vështirë shëndetësore. Prej rreth tre ditësh, ajo është përballur me temperaturë që arrin deri në 38.5°C, dhimbje të forta fyti e bajamesh, si edhe dhimbje intensive koke. Për shkak të gjendjes së rënduar, Selin ka marrë edhe trajtim me serume.

Lajmin e ka bërë të ditur vetë përmes postimeve në rrjetet sociale, duke iu përgjigjur ndjekësve që kanë pyetur për mungesën e saj. Me dozën e saj karakteristike të humorit, ajo e ka cilësuar gjendjen si “kritike”.

Pavarësisht simptomave, duket se Selin nuk ka ndërmend të lërë pas dore angazhimet profesionale. Ajo ka treguar se po mendon të vijojë punën gjatë ditës dhe trajtimin me serume ta marrë në mbrëmje, në mënyrë që të jetë në formë të nesërmen. Mes temperaturës, dhimbjeve dhe lodhjes, Selin po përpiqet ta kalojë këtë periudhë me optimizëm dhe humor.