”Funerali i telefonave”, Egli Tako flet për foton me Gjestin: Atë ditë vdiq dhe njerëzimi

Egli Tako e ftuar në “Shqipëria Live”, ndër të tjera foli edhe për foton mes saj dhe Gjestit, në funeralin e vëllait të tij. E pyetur nga moderatorja Sidorela Gjoni nëse e kishte pritur që momenti të fotografohej e shpërndahej në internet, Egli u përgjigj thjesht me një jo, qartësisht ende e bezdisur prej situatës.

“Nuk dua ta komentoj fare si temë. Respektoj dhimbjen e tyre deri në fund dhe nuk dua të flas fare përsa i përket kësaj teme. Di vetëm të them që atë ditë vdiq dhe njerëzimi, kështu që nuk dua të komentoj asgjë”,-tha ajo dukshëm e zhgënjyer.

Pas ndarjes tragjike nga jeta të vëllait të Gjestit, momenti i funeralit shkaktoi shumë kritika në rrjet, pasi njerëz të pranishëm fotografuan personazhet publikë që u bënë pjesë e dhimbjes së familjes Kelmendi, duke shpërndarë foto dhe video në rrjet nga takimet e tyre me Gjestin.