G-Bani thur planin për të vënë në kurth Gjestin

Përjashtimi i Jozit ka nxitur lojtarë të grupit ku ai bënte pjesë, që të mblidhen dhe të krijojnë një situatë kundër Gjestit. G-Bani, Aldo, Danja dhe Loredana u bënë bashkë mbrëmë për t’i bërë një kurth Gjestit. Ideja siç duket u iniciua nga vetë G-Bani, i cili i mblodhi ata rreth një tavoline duke kuvenduar për planin që do të zemëronte Gjestin.

“Të luajmë sikur Egli ka pëlqim për Aldon, t’i dridhet toka Gjestit, të ndjejë pasiguri të ndjejë sikur po përdoret”, u thoshte këngëtari atyre. Ishte Loredana më pas ajo e cila po e përcillte atë me vëmendje derisa G-Bani thurte planin për ta vënë Gjestin në kurth. Situata është tejet tensionuese brenda shtëpisë së BBVA-së. Shumë ngjarje shkaktuan dramaticitet brenda shtëpisë me të shumta që përfshinin Gjestin.

Loredana dhe Valbona, dy nga banoret që ishin më afër Jozit, po vazhdojnë të vajtojnë largimin e tij, një situatë që u bë edhe më e ndjeshme pas letrës emocionuese që Jozi i kishte shkruar Loredanës. Duke kaluar një moment të vështirë në dhomën e gjumit, ato u shfaqën pranë njëra-tjetrës, ku Loredana, më e ndjeshme nga të dyja, shprehu emocionet e saj. Ajo kishte krijuar një lidhje të fortë me Jozin brenda shtëpisë, pavarësisht kundërshtimeve nga familjarët e saj, të cilët nuk e miratonin këtë lidhje.