Gjesti ka reaguar pas vendimit të sotëm të Gjykatës, e cila e dënoi me dy vjet burgim me kusht dhe me 6 mijë euro gjobë. Vendimi erdhi pas marrëveshjes së Kelmendit me Prokurorinë për pranimin e fajësisë. Pas përfundimit të seancës, këngëtari zgjodhi të reagojë përmes rrjeteve sociale, duke publikuar një mesazh në “InstaStory”. Në postimin e tij, Gjesti shprehu mirënjohje ndaj Gjykatës, Prokurorisë së Kosovës dhe ekipit të tij ligjor për mbështetjen gjatë këtij procesi. Ai gjithashtu iu drejtua fansave të tij, duke i falënderuar për përkrahjen dhe dashurinë e vazhdueshme që i kanë dhënë.
