Ish-zëdhënësja e PD shfaqet për herë të parë në publik pas lindjes (Foto)

Laura Vorpsi mungonte në publik prej shumë kohësh. Ish zëdhënësja e PD-së këtë pranverë u bë nënë për herë të pare, por asnjë foto nuk u bë publike. Edhe kur dha lajmin e ardhjes në jetë të vogëlushes së saj nuk u publikua asgjë përveç fotos me dorën e vogël.

Sot, në pritjen për 20 vjetorin e Opinion, më në fund Laura e bukur është shfaqur, rrezëllitëse siç e mbajmë mend. Me flokë të gjatë të zinj, të lëshuar dhe të hedhur në një anë siç bënte edhe kur shfaqej në foltoren e PD-së. Ajo kishte zgjedhur të zezën për një pamje të pagabueshme elegante që plotësohet nga fustani i gjatë, me pjesën e sipërme dantellë dhe sandale.

Është një nga të paktat herë madje që shfaqet në pritje publike me partnerin, biznesmenin Theodhori Cami. Ka takuar aty edhe Erla Mëhillin, ish-zëdhënësen e Kryeministrit Sali Berisha.

Një rast i mirë për të kujtuar kohërat e vjetra, ndërsa tani janë të dyja nëna, Erla e një djali dhe Laura e një vajze. Erla ka qenë e shoqëruar nga bashkëshorti i saj, Keltis Kruja. Të katërt kanë realizuar edhe një foto.