“Ishte ulur përballë meje për rreth 2 orë”, Lorik Cana rrëfen si njohu bashkëshorten italiane: I dhashë numrin nëpërmjet …
Si rrallë herë, Lorik Cana flet për njohjen me bashkëshorten e tij në emisionin e Top News, “Jashtë Loje”. Kur futbollisti i njohur bëri publike lidhjen me bukuroshen italiane, disa fansa shpërthyen menjëherë drejt tij se pse bëri këtë zgjedhje jashtë vendlindjes.
Edhe pse kanë kaluar shumë kohë dhe çifti tanimë janë bërë me dy fëmijë, Cana rrëfen momentin e veçantë se si e njohur bashkëshorten.
“Momenti i njohjes me bashkëshorten ishte në një restorant, ku ajo ishte ulur përballë meje dhe pothuajse për dy tre orë gjatë darkës, jemi parë dhe pastaj ja kam kaluar numrin tim nëpërmjet menaxheres së restorantit, jemi dëgjuar ndërkohë unë kam ardhë në Shqipëri dhe mbasi jam kthyer jemi takuar dhe tash jemi bashkë që 10 vjet më parë.
Ndërkaq, moderatorja ndërhyn për të kuptuar se pse futbollisti zgjodhi për partneren e jetës një Italiane. “Janë disa sinjale që të jep, duhet ta ndjesh ta jetosh për të parë nëse është personi që ti ke nevojë dhe ajo gjithashtu.”
“Këmbëngulja dhe sakrifica e saj për të më mbrojtur nga çdo gjë që më rrethon, është një ndër tiparet që e veçon atë” – thekson Lorik Cana.
