Këngëtari Labinot Tahiri, ka ndarë një mesazh me tone të forta motivuese, duke zgjedhur detin si simbol të vlerës, madhështisë dhe qëndrueshmërisë së njeriut përballë paragjykimeve. Në tekstin e tij, Tahiri e krahason njeriun me detin, i cili, pavarësisht se shfrytëzohet, përçmohet apo tentohet të njolloset, nuk e humb bukurinë dhe madhështinë e tij.
“Edhe ju, kur në jetë ndiheni të fyer, të përçmuar apo të njollosur pa të drejtë, kur e dini në zemrën tuaj se nuk e keni merituar, mos e humbni vlerën tuaj dhe qëndroni të fortë”, shkruhet në mesazhin e tij.
Më tej, këngëtari përcjell një tjetër mesazh të fuqishëm për vetëvlerësimin dhe dinjitetin, duke theksuar se vlera e një personi nuk matet nga koha që të tjerët qëndrojnë pranë tij, por nga mënyra se si ata dinë ta vlerësojnë atë. “Ju shkëlqyet më parë, shkëlqeni edhe sot dhe, prapëseprapë, do të shkëlqeni”, shprehet Tahiri.
Postimi i plotë
Të jesh krenar/e si deti, e shfrytëzojnë, e përçmojnë, mundohen ta njollosin, madje thonë se ka pamje më të bukur se ajo që ofron deti. Ndonjëherë edhe e etiketojnë me: ”Nuk na pëlqen”, vetëm sepse prania e tij është aty për disa ditë.
Pamja e tij, thellësia dhe madhështia e tij e zbukurojnë planetin dhe i japin hijeshi kujtdo që kalon pranë tij dhe di ta vlerësojë.
Edhe ju, kur në jetë ndiheni të fyer, të përçmuar apo të njollosur pa të drejtë, kur e dini në zemrën tuaj se nuk e keni merituar, mos e humbni vlerën tuaj dhe qëndroni të fortë.
Ju shkëlqyet më parë, shkëlqeni edhe sot dhe, prapëseprapë, do të shkëlqeni.
Sepse vlera e njeriut nuk përcaktohet nga sa gjatë qëndron dikush pranë tij, por nga sa ia di vlerën.
Mbajeni dashurinë për jetën, respektin për veten, mirësinë dhe dinjitetin. Këto janë vlera që nuk njollosen nga fjalët e askujt.
Jetoje jetën me plot dashuri.
Mos harroni: edhe kur dikush nuk di ta vlerësojë detin, deti nuk pushon së qeni i bukur.
I bukur, i madhështor dhe vetëm i bukur.
