”Kamarierja e Lushnjës”, Kiara i kthen përgjigje komenteve ofenduese për të

Moderatorja Kiara Tito vijon që të jetë personazhi më i diskutuar në media. Ajo është në qendër të mediave rozë që pas eksperiencës së saj në ”Big Brother Albania Vip 2”, ndërsa së fundmi prezantoi edhe linjën e saj të rrobave të plazhit.

Kiara këtë herë është shfaqur në kopertinën e revistës “Global Woman”. Ajo ka folur për jetën pas Big Brother-it, romancën me Luiz Ejllin si dhe për karrierën profesionale.

Mes qindrave komenteve, diku e cilësoi si “kamarierja e Lushnjës”. “O Zot kamerierja e Lushnjës në cover”, ka qenë komenti që i është bërë Titos nga një ndjekëse.

“Edhe po të isha kameriere ç’të keqe ka? Nuk është turp sot të punosh! Turp është të rrish kot, e të ofendosh 24 orë nëpërmjet një telefoni”, i përgjigjet Kiara.