Këngëtarja shqiptare zbulon si e kapi mat babai me të dashurin

Ajo është një nga këngëtaret më të dashura për publikun shqiptar. Është fjala për Shyhrete Behlulin, e cila prej vitesh është e martuar dhe nënë e pesë fëmijëve.

Së fundmi ajo ka dhënë një intervistë për emisionin “N’drrimi i natës”, ku ka treguar si kurrë më parë historinë e saj të dashurisë me bashkëshortin.

“Unë isha atëherë nxënëse në vit të dytë të shkollës së mesme dhe kishim koncert në Podujevë. Ai atë kohë ishte futbollist në Ballkan. Me një shok të gjeneratës tonë ai luante futboll për të rinjtë. Ne e pritshim autobusin për në Mushtisht dhe gjithmonë e pritshim nga Suhareka. Ai endej lart e poshtë para nesh. E ky shoku ynë na njoftoi më pas. Luli e mësoi orarin tim të autobusit dhe më priste.

Ne mbanim lidhjen të fshehur dhe e bëmë një fotografi bashkë dhe babai ma zuri fotografinë. Më bërtiti. Unë u bëra dhe, sepse më erdhi shumë keq nga babai që më tha ashtu. Më pas më pyeti se kush është ai djalë me të cilin jam në lidhje. Kam gjetur shumë mbështetje dhe ngrohtësi te familja e Lulit, sepse familjen time e kisha larg”, ka treguar Shyhrete.