Koncerti i Kanye West në Tiranë, Rama inspekton Eagle Stadium: Kemi dhënë 4 milionë euro

Kryeministri Edi Ram, i shoqëruar nga ministri Blendi Gonxhja, zhvilloi sot një inspektim në stadiumin Eagle, ku edhe do të mbahet spektakli i shumëpritur nga Kanye West.

Rama tha se shteti ka dhënë 4 milionë euro që koncerti mos të mbetej pa realizuar.

“Shteti shqiptar është detyruar të ndërhyjë vetëm dje, për të dhënë jo dhjetëra miliona euro, siç thonë sorrat dhe korbat e bulevardit, por 4 milionë që ne të garantojmë që ata mijëra njerëz që kanë prerë bileta nga 80 shtete, dhe janë më shumë se sa ata që erdhën për Conference League. Ky event nëse do mbetej i parealizuar, do ishte një mundësi më pak për ekonominë e kryeqytetit. Sepse ata mijëra njerëz sjelllin një impakt ekonomik të menjëhershëm dhe hap pas hapi. Bota nuk janë budallenj që realizojnë koncerte të tilla, sepse janë investime. Të hidhen përpjetë ata që nuk duan”, tha Rama.