”Kush e ka bërë, Luizi Big Brother apo formati Luizin”, Arjan Konomi: Merita është e personit

”Kush e ka bërë, Luizi Big Brother, apo BB Luizin”,-ishte pyetja që ndezi debatin mes të ftuarve në “Më lër të flas” mbrëmjen e sotme. Moderatorja dhe këngëtarja Enxhi Nasufi tha se përfitimet janë të ndërsjella dhe të përbashkëta, pasi nëse nuk do ishte ky format Big Brother, as Luizi nuk do të ishte personazh. Sipas opinionistit Arjan Konomi, merita është e personit që e ka zgjedhur personazhin për atë format, ndërsa Fjoroda tha se këtë Big Brother e ka bërë Luizi.

Enxhi Nasufi: Nëse nuk do ishte ky format Big Brother, Luizi nuk do të ishte. Në momentin që ekziston formati ai ka ardhur si personazh, është risjellë, sigurisht që benefetitet janë të përbashkëta dhe e gjithë gjëja është reciproke.

Arjan Konomi: Mund të ishte një person tjetër dhe s’mund ta kishte bërë.

Fjodora Fjora: Unë them që këtë Big Brother e ka bërë Luizi.

Bledi Mane: Në kohën e Arjanit, lajmi i BB publikohej në shtypshkronjë dhe nuk kishe të drejtë as të komentoje dhe as të shaje. Vjet ishte Big Brother i Instagramit, ndërsa këtë vit është Big Brother i “Tiktokut”. Pra ti me celularin bën meme, e shpërndan, ndikon teknologjia.

Fjodora Fjora: Këtë vit e ka berë Luizi. Unë vitin e shkuar, Big Brother e kam parë prej teje dhe e kam lënë prej tere

Bledi Mane: Lërë Luizin vetëm te shtëpia. E imagjinon dot Luizin pa dallaveret e Oltës aty brenda, do të zhbëhej

Arjan Konomi: Ai personazhi që bën spektaklin është meritë e personit që e ka zgjedhur. Aftësia e të gjeturit personazhe të tillë, qëndron më sipër se gjithçka tjetër.