Këngëtarja e njohur Zanfina Ismaili ditën e sotme feston ditëlindjen dhe mbush 34-vjeç. Një urim emocionues ka marrë edhe nga motra e saj Adelina Ismaili e cila i uron më të mirat sepse një shpirt i bukur si i saj i meriton.
Urimin ajo e ka bërë përmes një foto të Zanfinës që e ka postuar në “Instastory”
“Ditën që linde ti, një ëngjëll pëshpëriti: “Ajo do ketë pamjen e një zane dhe një shpirt si i imi”. Ti ishe për mua foshnja më e bukur në botë dhe akoma je. U rrite dhe je zonja më e bukur në botë. Bashkë zihemi, qeshim, qajmë, këndojmë dhe kërcejmë.
Në çdo hap që ke hedhur, më ke bërë krenare. Sot festojmë lindjen tënde. Mezi pres të fillojmë rrugëtimin e lumturisë tënde. Të uroj veç më të mirat, shpirti yt i bukur i meriton. Të dua më shumë nga ç’mund të shpreh me fjalë. Le të fillojë festa! Gëzuar ditëlindjen princesha ime e bukur”, ka shkruar këngëtarja.
