Modelja ‘godet’ kompaninë ajrore pasi e nxorrën jashtë avionit

Modelja e njohur në rrjetin social Instagram, Jen Selter ka folur për një fluturim amerikan ku pati një grindje me anëtarët e ekuipazhit.

“Njerëzit po vinin te unë. Dhe më pas, papritur 5 oficerë meshkuj erdhën, gjë që ishte vërtetë e frikshme,” – tha Selter në një intervistë me Good Morning America.

24-vjeçarja shtoi se kompania American Airlines duhet të trajtojë ndryshe udhëtarët e tyre.  Selter me motrën e saj ishin në një udhëtim ku do shkonin nga Miami për një Nju Jork në mbrëmjen e së shtunës.

Fluturimi u shty për 90 minuta për probleme mekanike. Pas një debati me një pasagjer për një vend, erdhi stafi i kompanisë dhe e nxorrën jashtë duke mos e lejuar që të jetë pjesë e udhëtimit.

Në një postim në Twitter, modelja tregoi se nuk iu ofrua akomodim.