Nga varfëria te mirënjohja, Labinot Tahiri mesazh për ndjekësit: Duajeni jetën se ka ende njerëz të mirë

Labinot Tahiri, ose i njohur edhe si këngëtari i popullit pasi me ta ndan gjithçka, këtë herë ka ndarë një mesazh personal dhe reflektues, siç gjithmonë i ka dhe i ndan me ndjekësit. Këngëtari ndalet te rruga e tij nga varfëria drejt suksesit, duke theksuar se pasuria e vërtetë nuk matet me para, por me njerëzit që ke pranë.

“Jeta ime ishte e lehtë vetëm atëherë kur pata dhe kur kam njerëz të sinqertë afër vetes”,-shprehet ai, duke vënë në pah se suksesi i tij nuk ka ardhur si dhuratë. Labinoti thekson se nuk ka lindur i pasur, por është bërë i tillë me punë, përkushtim dhe sakrifica, ndërsa pranon se pa disa njerëz të caktuar, rrugëtimi i tij do të kishte qenë krejt ndryshe.

Në mesazhin e tij, ai flet me mirënjohje për ata persona që e kanë shoqëruar pa asnjë interes, duke ecur krah tij në momentet e mira dhe të vështira. Sipas artistit, janë pikërisht këta njerëz që e bëjnë jetën më të vlefshme dhe përpjekjet më domethënëse.

Një pjesë e rëndësishme e reflektimit lidhet edhe me besimin, ku Tahiri shpreh falënderim ndaj Zotit për rrugën që i është hapur dhe për mundësinë për të ndërtuar një jetë më të mirë, pa harruar kurrë nga ka ardhur.

Screenshot