Nicki Minaj, koncert në Arabinë Saudite

Arabia Saudite ka lajmëruar se ylli i hip-hopit, Nicki Minaj do të performojë së shpejti në mbretërinë konservative. Organizatorët sauditë njoftuan se Minaj do të jetë e ftuara kryesore në “Jeddah World Fest” që do të mbahet më 18 korrik. Koncerti, i cili në përputhje me ligjet saudite do jetë pa alkool dhe drogë, është i hapur për pjesmarrjen e moshës 16-vjeç e lart dhe do të zhvillohet në stadiumin “Abdullah Sports” në qytetin e Detit të Kuq. Performanca të Minaj në një mbretëri konservative tingëllon e çuditshme dhe e papritur, duke qenë se reperja është e njohur për stilin e saj të ekstravagant e provokues dhe tekstet e saj shpesh janë të mbushura me fraza blasfemike.