Ola Bruko reagon ashpër ndaj komenteve në rrjet për lidhjen me Endri Priftin: Mos guxoni më të përmendni…

Endri Prifti dhe Ola Burko konfirmuan romancën e tyre, përmes një fotoje në Instagram dhe emoji-ve me zemra. Jo të gjitha komentet ishin pozitive. Një pakicë e komenteve, por ajo pakica që të prish ditën, e bënë Olën që të reagojë me një postim të gjatë në Instagram.

Ajo publikoi një prej komenteve dhe u shpreh: “Ky që shikoni këtu është një nga komentet e poshtra që shkruhen lart e poshtë. E kam thënë edhe më parë që në moshën që jam, nuk më intereson shumë se çfarë thonë njerëzit për mua. E di mirë që disa të duan e shumica të urrejnë, por edhe ata që nuk kanë asnjërën nga këto ndjenja, parapëlqejnë të të bëjnë gjyqin në publik nga pellgu i mëkateve të mëdha, se ndoshta kjo i bën të ndihen më pak fajtorë”.

Më tej, ajo shton se ka reaguar, sepse ceken fëmijët e saj. “Të ishte për veten, as nuk do e merrja mundimin të reagoja, por kur bëhet gjalë për fëmijët e mi mund t’jua nxjerr sytë të gjithëve për idiotësirat që flisni, duke i futur edhe ata në vorbullën e keqdashësisë suaj. Juve që ju intereson aq shumë jeta private e një njeriu si unë që e njihni vetëm nga ekrani e nuk e keni as në familje, as në farefis e as në shoqëri, që duhet ta kishit komentuar vetëm për punën e saj e për asgjë tjetër, do ju sqaroj njëherë e mirë: Se çfarë ndodhi me familjen time nuk kam ndërmend t’jua them juve!”

Ajo vijoi: “Unë dhe ish-bashkëshorti im kemi sot një marrëdhënie normale dhe kemi qenë dhe do jemi derisa të kemi frymë për fëmijët tanë. Ata janë jeta jonë! Mos guxoni më të përmendni dhe të merreni me fëmijët, sepse secili nga ju do përballet me ne në gjykatë”.