Orinda Huta shtatzënë? Si u përgjigjet Turi pyetjes që po i bëhet çiftit gjithmonë e më shpesh

Dëshirën për një familje të madhe, si Turi dhe Orinda e kanë shprehur me kohë, por të gjithë janë kureshtarë se kur do të zgjerohet familja e tyre.

E shfaqur shpesh me veshje “maxi size”, shumë kanë dyshuar për një pritje të ëmbël të Orindës, por që dyshimet janë rrëzuar poshtë shumë shpejtë sapo kjo e fundit ka postuar foto nga palestra apo me veshje pas trupit.

Por cili është reagimi i Turit për pyetjen që kanë filluar t’ua bëjnë gjithmonë e më shpesh të dyve?

I ftuar në Pop Culture, ai tha se po vazhdojnë të punojnë për këtë, por akoma nuk kanë asgjë për të thënë.

“Sapo Orinda të jetë tre muajshe, do të jem unë ai që do e postojë lajmin” u shpreh Turi duke qeshur.

Pyetjes së Dojnës se kur do ta bëjnë publik lajmin, ai iu përgjigj: “Kur të jetë e thënë që të vijë…”