Përgjigja e Ema Andreas ndaj ofendimit “kurvë”

Përpara disa ditësh një debat i nisur në faqen personale të aktores Ema Andrea, mes saj dhe aktorit Genti Kame, ndezi të gjithë mediat, të cilat i mëshuan sharjes “kurvë” që Kame, i cili në këtë rast mbronte të atin, regjisorin Gëzim Kame, e përdori për t’iu adresuar Andreas.

E ndërkohë që ndjekësit e Emës u llahtarisën kur Kame e quajti aktoren “kurvë e Edi Ramës”, përgjigja e Emës tejkaloi reagimet emocionale femërore që shpesh mbërthehen pas këtij epiteti duke e stërholluar dhe duke i dhënë rëndësinë e panevojshme (kësaj fjale në gojën e oponentit) dhe reagoi si profesioniste, me ftohtësinë dhe sigurinë e dikujt që është shumë e vetëdijshme për absurditetin e akuzës.