”Picirruke, qepe gojën”, Dolce e ashpër me Elijonën: Ke bërë gjëra të fshehta

Dolce dhe Elijona kanë pasur mbrëmë një debat, i cili duket se ka krijuar një tension të paprecedentë mes dy banoreve. Nuk dihet ende se çfarë e nisi përplasjen mes tyre, megjithatë biseda u zhvillua në tone mjaft të ashpra. Në një moment, Dolce u dëgjua duke i thënë Elijonës që ta mbyllte gojën, ndërsa e quajti edhe “picirruke”.

“Ti je e vogël, ti je 19 vjeçe, unë jam 31…. Gocë e paedukatë më thërret ti mua ‘kjo’, ti!! Picirruke, kaq, qepe gojën! Qepe gojën. Ecë!”, i tha ajo Elijonës.

Në një moment të mëvonshëm, gjatë diskutimi e sipër Elijona iu kundërpërgjigj: “Nuk e qepi se ty nuk të pëlqen e vërteta”. Debati i tensionuar mes tyre vazhdoi edhe për disa minuta, ndërsa mbetet të shihet se çfarë e shkaktoi konkretisht këtë përplasje. Nga ana tjetër Dolce ka akuzuar Elijonën se ajo ka bërë gjëra të fshehta.