Në episodin e katërt të ”Spicy Show” i moderuar nga Toney, i ftuari është spicy edhe në jetën e tij. Ai është këngëtari dhe moderatori i njohur, Robert Berisha. Gjatë intervistës, përveç sfidave që ka përballuar me shumë guxim, ai ndau edhe detaje interesante rreth jetës së tij, albumit të parë që do të publikojë dhe punës në ekran.
Robert Berisha ka reaguar ndaj zërave që qarkullojnë në media për një ribashkim të mundshëm me ish-partneren e tij, këngëtaren Nora Istrefi. I pyetur nga moderatori Toney për thashethemet që i lidhin sërish bashkë, Berisha tha se në fakt marrëdhënia mes tyre nuk ka qenë ndonjëherë e prishur në kuptimin e plotë. Berisha theksoi se edhe pse rrugët e tyre kanë ndryshuar, respekti duhet të mbetet, sidomos kur ka vite bashkëjetese dhe një fëmijë.
Në intervistë, ai foli edhe për jetën e tij personale, duke konfirmuar se vajza e tij, Renee, është personi më i rëndësishëm në telefonin e tij. Sa i përket jetës sentimentale, ai tha se aktualisht është beqar dhe në shtëpi e pret vetëm macja e tij.
Pjesë nga intervista
Toney: Ka plot thashetheme që je ribashkuar me Norën, cila është e vërteta?
Roberti: Po ne faktikisht nuk jemi ndarë asnjëherë. Kjo sepse i kemi raportet e mira. Divorcet tek shqiptarët janë të këqinj, sepse jo që nuk flasin mes tyre, dhe familjet e tyre, por as komshijtë e tyre nëse shihen në rrugë nuk flasin. Kjo është keq. Pate nuk pate fëmijë, raportin duhet me e mbajt mirë, sepse ke jetuar 10-15 vite me atë njeri. Ku me ditë se çfarë do të ndodhi, shpinën nuk bën me ja kthy. Edhe ne i kemi raportet e mira. Se këto portalet tona, me të pa në një pushim, në një darkë, shkruajnë që jemi kthyer.
Toney: Kurrë nuk kam fjetur me?
Roberti: Piyamas, sepse jam për pleqtë.
Toney: Nuk mund të jetoj pa?
Roberti: Sex.
Toney: Kush është personi më i famshëm në telefonin tënd dhe a guxon me ja çu një voice tash?
Roberti: Vajza ime, Renee.
Toney: Si do të quhet albumi?
Roberti: Titullin ende nuk e kam vendos ende, jam në bisedimi sepse është albumi im i parë, me instrumente live, diçka që nuk është parë tek ne.
Toney: A të pret dikush tek shtëpia kur e mbaron ditën, apo je ende singël?
Roberti: Në shtëpi nuk më pret askush, e kam një mace.
/Redjon Shtylla-Koha Jonë/