Shfrytëzimi i jashtëligjshëm qendrave të masazhit për ushtrim prostitucioni është raportuar vazhdimisht në Shqipëri. Është ish-konkurentja e “Për’puthen”, Shqipe Hysenaj që tregon një histori të saj. E Ftuar në “E Diell”, Shqipja thotë se të punonte si masazhatore ka qenë pasion për të.
”Doja të studioja për të pasur këtë punë, por gjërat shkuan si shkuan dhe studioja marrëdhënie ndërkombëtare. Megjithatë, vendosa të shkoj në një qendër masazhi dhe të filloja punë, që të mësoja dhe profesionin”.
Siç thotë Shqipja, gjërat nuk shkuan ashtu si mendonte. “Pranuan që unë të punoja, edhe pse nuk e dija profesionin por më thanë do të merresh vetëm me burra. Ato vajzat që punonin atje, ishin me minifund, me reçipeta. Kur i pashë më shumë të zhveshura se të veshura i thashë vetes, nuk je për këtë punë”. Sipas saj, bëhet fjalë për një qendër masazhesh në zonën e ish-Bllokut.
