Protesta për Zvërnecin, këngëtari Labinot Tahiri thirrje artistëve: Mos heshtni përballë dukurive që dëmtojnë Shqipërinë

Këngëtari Labinot Tahiri ka publikuar një mesazh me tone patriotike, ku u bën thirrje shqiptarëve të ruajnë dhe të mbrojnë identitetin dhe trashëgiminë. Në mesazhin e tij, Tahiri u drejtohet gjithashtu edhe artistëve dhe sportistëve, duke i ftuar që të ngrejnë zërin kundër dukurive negative në vendet ku janë lindur dhe rritur.

Tahiri shpreh shqetësimin se sakrificat e atyre që luftuan dhe vuajtën për lirinë e vendit nuk duhet të harrohen apo të zbehen për interesa të momentit. Ai thekson se Shqipëria dhe Kosova janë ndërtuar me mundin, punën dhe kontributin e shqiptarëve brenda dhe jashtë trojeve, veçanërisht të mërgimtarëve.

Në përfundim, ai shpreh mbështetje dhe besim te rinia dhe qytetarët shqiptarë, duke theksuar krenarinë e tij për kombin dhe duke uruar një ditë të mbarë për të gjithë shqiptarët.

Postimi i plotë

PROTESTO për atdheun tonë Shqipërinë.

Për shqiptarët dhe Shqipërinë e vllezerve të mi! Ata që na e lanë këtë vend pa fituar asnjë qindarkë për vete, duke vuajtur nëpër luftera e burgje nga diktatura.

Si mund ta humbim ne sot për disa euro apo dollarë? Si u ndertua Shqipëria me ato bregdete të bukura e Kosova sot? Nga duart dhe paratë e shqiptarëve e të mërgimtarëve tanë. As turqit e as grekët nuk e ndërtuan dhe nuk arritën t’ia marrin bukurinë, shpirtin dhe identitetin Shqipërisë.

Prandaj, ruaje me krenari atë që na është lënë amanet nga prinderit e stergjyeshit tanë. Artistë e sportistë kundërshtoni dukurite negative aty ku ju lindi Zoti e prindërit e juaj. Diten e mirë shqiptar dhe Shqipëria jonë. Krenar me ju rini e qytetarë të Shqipërisë nanë.