Pas muajsh mungesë në skenat ndërkombëtare, Dua Lipa është rikthyer bujshëm në MTV Europe Music Awards 2019. Këngëtarja me origjinë shqiptare ishte artistja që çeli spektaklin më të rëndësishëm të muzikës në Europë, me një performancë fantastike të hitit më të fundit “Don’t start now”. Ndonëse nuk ishte nominuar në asnjë prej kategorieve, për shkak se kohët e fundit nuk kishte ardhur me projekte të reja muzikore, Dua dominoi ditën e djeshme në Mtv Ema. Performanca e saj ishte ndër më të vlerësuarat nga publiku dhe kritika.