Sara Gjordeni flet për humbjen e babait: Më lëndoi

Ish-banorja e “Big Brother Vip”, Sara Gjordeni, e ftuar në “Top Albania Radio”, ka sjellë edhe njëherë në vëmendje momentet pikante nga eksperienca e saj në “Big Brother Vip”, si dhe ngjarjen më të fundit në jetën e saj, humbjen e babait!

Për këtë të fundit, Sara u shpreh se e ka përjetuar ndarjen e tij nga jeta, ndonëse siç tregon ajo nuk e ka takuar kurrë. Sara u shpreh se nuk do të donte që të përballej me të pas shumë kohësh, përmes një interviste që babai i saj i ndjerë dha, ku sulmonte atë dhe nënën e saj!

“U mërzita për momentin që ndodhi. Unë kam qenë në tentativa për ta kontaktuar që prej shtatorit të 2023. Ne nuk jemi takuar kurrë. Gjëja më e trishtë ishte të dëgjoja zërin e tij për herë të parë në atë intervistë. Do doja të kishte dalë me disa kundër deklarata. Por ai nuk mohoi asgjë, ai doli të ofendonte. Më lëndoi. E kontaktova edhe para edhe pas asaj interviste dhe ai ka zgjedhur prej muajsh të mos përgjigjej. Le të jetë ky një leksion për marrëdhëniet prind-fëmijët”, tha ajo.