“Sherri” mes kushërirave, pjesë edhe Albërija

Pak ditë më parë, u përfol se marrëdhënia mes kushërirave, Anxhelinës dhe Beatrix-it është krisur. Ka zëra që thonë se shkak për këtë u bë Beatrix e cila nuk e uroi Anxhelinën në ditën e saj të lindjes.

Ka të tjerë që thonë se shkak u bë grimieri i famshëm Ariel, i cili është edhe mik i ngushtë me Anxhelinën por këto aludime ende mbeten në kuadër të thashethemeve.

Që vajzat nuk ndiqeshin në Instagram, këtë e dinim por së fundmi, Beatrix ka vendosur të heqë edhe Albërijen, tezen e saj. Me pak fjalë, Ramosaj nuk ndjek as teze Albërijen dhe as vajzat e saj, Anxhelinën dhe Agnesën.

Duke marrë parasysh marrëdhënien e ngushtë që ka ekzistuar mes tyre, duket qartazi që gjërat s’janë si më parë.