Shpallet burri më seksi për vitin 2024 nga revista ”People”

Sipas revistës People, titulli i ”Burrit më seksi për vitin 2024” i është dhënë aktorit John Krasinski. Edhe pse për shumë vite ka qenë i njohur për rolet e tij të shumta të suksesshme, John nuk e priste aspak këtë titull. ”E vërteta? Pata një ‘blackout’ total. S’kisha asnjë mendim”,-tha ai me shaka për People. ”Nuk është se e nis çdo ditë me mendimin ”A do të më shpallin ”Burrin më Seksi?” dhe ja që ndodhi. E keni ngritur shumë nivelin për mua”. John jeton në Brooklyn me bashkëshorten e tij prej 14 vitesh, aktoren Emily Blunt dhe vajzat e tyre. Blunt, kur mësoi lajmin, nuk e fshehu aspak entuziazmin. Ajo madje ka bërë shaka se do të mbulonte të gjithë shtëpinë me kopertinën e revistës nëse burri i saj do të merrte këtë titull.