Shpërthen Fifi: Mjaft më, kam dalë në publik si psikopate

Marrëdhënia mes dy banorëve në ”Big Brother albania Vip”, Fifit dhe Granitit është krisur ditët e fundit. Dyshja ka vendosur që të shkëputet nga njëri-tjetri dhe t’i lënë hapësirë më shumë raporteve me banorët e tjerë.

Kjo gjë ka nxitur edhe debate të njëpasnjëshme mes tyre por edhe nga ndërhyrja e banorëve të tjerë. Një këshillë gjatë spektaklit të sotëm nga opinionistët duket se ngjalli një revoltë nga ana e Fifit.

”Mjaft me këtë gjënë, kam dalë në publik si një psikopate. Ju lutem mjaft më, e kam lënë të lirë. Nuk e kam penguar për asgjë”.

Arbër Hajdari nuk nguroi t’i tërhiqte këngëtares një vërejtje për tonet e larta të zërit. Këtij evidentimi ajo iu përgjigj ”Kështu jam, nuk kam çfarë të bëj dhe nuk ndryshoj dot. Më falni”.