Si i ka marrëdhëniet me vjehrrën? Kiara Tito: Nuk e kisha menduar ndonjëherë…

Moderatorja e dashur për publikun, Kiara Tito, ka folur për herë të parë për raportin me vjehrrën e saj. E ftuar në “Ftesë në 5”, ajo tha se janë si shoqe dhe i thotë Anxhi, shkurtim i emrit të saj Anxhelina.

E pyetur nga moderatorja e emisionit, Bieta Sulo, se çfarë thotë mamaja e Luiz Ejllit për shtatzëninë dhe emrin që do i vendosin vajzës, Kiara tha:

“Mamaja e Luizit ka qenë prezentë aty kur ne e morëm vesh lajmin e shtatzënisë dhe nuk po i besohej. Edhe ajo me lot në sy, e lumtur, e gëzuar pafund, si nënat. Për emrin nuk ka thënë gjë akoma”.

Duke qenë se nëna e këngëtarit të dashur për publikun jeton në Shtetet e Bashkuara të Amerikës, moderatorja tha se flasin shpesh në telefon dhe se vjehrra është shumë meraklie dhe e pyet shumë për vajzën.

“Kemi një raport si shoqe. Nuk e kisha menduar ndonjëherë se do isha aq e lirshme. Jo se ka ndonjë gjë të keqe, por kur nuk e ke vjehrrën nuk e mendon ashtu. Nuk do më pëlqente ta quaja vjehërr. Unë i them Anxhi. Flasim shpesh në telefon, ajo është në SHBA tani. Më pyet shumë për vajzën, është shumë meraklie. Sigurohet se gjithçka është mirë dhe mbyllet telefonata”, tha Kiara.