Në ”Big Brother Kosova Vip 4” ka plasur një situatë që është bërë virale në rrjetet sociale. Elijona Binakaj, banorja 18-vjeçare që ka humbur nënën dhe motrën në një aksident tragjik, është vënë nën presion të madh nga Alba dhe Benita gjatë ditëve të para të qëndrimit në shtëpi.
Jo vetëm kjo, por edhe veprime të tjera janë kthyer nga dyshja Alba-Benita kundër Elijonës me bullizim dhe presion të fortë psikologjik, ku për këto situata ka reaguar edhe artisja Dafina Zeqiri. Në një koment në videon e gazetarit Redjon Shtylla për situatat e ngjashme në BBVK4, Zeqiri shkruan se në ekran po normalizojnë bullizimin dhe dhunën fizike.
”Nuk është hera e parë që në televizionet shqiptare lejohet të zhvillohet bullizimi dhe dhuna fizike. Gjithçka po bëhet vetëm për klikime dhe shikueshmëri. Po e normalizojnë bullizimin dhe dhunën fizike. TURP i madh”.
