Telefonata e papritur nga i vëllai, Flori lë shtëpinë e BBV

Një emergjencë familjare ka detyruar Florin të ndërpresë qëndrimin e tij në shtëpinë e Big Brother VIP Albania dhe të largohet përkohësisht nga gara.

Gjatë mbrëmjes së praimit bashkëshortja e Florit ka kontaktuar produksionin e programit për të kërkuar komunikim me të, pasi një nga fëmijët e tyre ka shfaqur probleme shëndetësore.

Nëpërmjet një telefonate, vëllai i Florit e ka informuar se gjendja shëndetësore e fëmijës nuk paraqet rrezik serioz, por ai është me temperaturë dhe ka nevojë për kujdes të vazhdueshëm. Ai ka theksuar se prania e Florit pranë familjes është e domosdoshme në këtë moment dhe se, nëse është e mundur, ai duhet të kthehet në shtëpi për të qenë pranë fëmijëve të tij.

Vendimi për largimin është marrë në mirëkuptim me produksionin, duke pasur si prioritet situatën familjare dhe mirëqenien e fëmijëve.