Vajza e Eli Farës u kap me një sasi kokaine, ja çfarë tha në polici Marina Fara

Një ngjarje e bujshme ka ndodhur në showbizz, ku Policia e Shtetit ka vënë në pranga Roxhensa Kapuranin, 39-vjeçe, e njohur me emrin Marina Fara, vajza e këngëtares së njohur Eli Fara. Arrestimi u krye nga Specialistët për Hetimin e Narkotikëve, pas një kontrolli fizik të ushtruar nga shërbimet e Komisariatit të Policisë Vorë.

Gjatë kontrollit asaj iu gjet një sasi e dyshuar lënde narkotike, kokainë. Edhe pse deklaroi në polici se e kishte drogën për përdorim vetjak, ajo sërish u vu në pranga. Kjo, pasi lejohet për përdorim personal deri 0.3 gramë lëndë narkotike.

Kjo ngjarje ka tërhequr vëmendjen e publikut, jo vetëm për shkak të natyrës së saj, por edhe për faktin se personi i arrestuar është vajza e një prej artisteve më të dashura për publikun shqiptar, Eli Fara.

5 vite më parë Marina Fara, u përfshi në përgjimet e policisë në operacionin “Mezhgorani” ku u arrestuan më shumë se 30 persona në atë periudhë. Në atë kohë, dyshimet për Marina Farën ishin se kishte ndihmuar dy të dyshuar për trafik të lëndëve narkotike të arratiseshin.