Vajza e Kadaresë takon Dua Lipën në Greqi: Superylli verbues shqiptar
Showbiz E Martë, 15 Gusht 2023 15:23
Këngëtarja shqiptare me famë botërore, Dua Lipa është takuar me vajzën e shkrimtarit Ismail Kadare, Besiana Kadare, e cila shërben si Ambasadore e Përhershme e Shqipërisë në Kombet e Bashkuara. Ka qenë Besiana Kadare e cila ka ndarë me ndjekësit e saj në rrjetet sociale disa fotografi me Duan. “E emocionuar për takimin me superyllin verbues shqiptar Dua Lipa. Ajo është magjepsëse”,- shkruan Besiana Kadare. Të dyja ndodhen me pushime në Greqi.
