VIDEO/ Egli flet ”trroç” për Gjestin, tregon këngët e reja dhe ka një mesazh për komentet

Egli Tako, një nga personazhet më të komentuar në showbizz, ishte e ftuar sonte në emisionin Canapé nga Shpend Lipa, ku theu heshtjen për herë të parë pas përfundimit të ”Big Brother Albania Vip 4”. Ajo foli për karrierën, projektet e reja, shtëpinë e re mediatike dhe mbi të gjitha për raportin e saj me Gjestin.

Egli tha se marrëdhënia e saj me Gjestin jashtë shtëpisë është e pandryshuar. ”Kemi kontakt herë pas here. Siç ka qenë raporti ynë në shtëpinë e Big Brother, ashtu ka mbetur edhe jashtë’‘,-u shpreh ajo.

Po ashtu shtoi edhe se e ka parë videon ku Gjesti gjatë një koncerti live,ka puthur bluzën me fotografinë e tyre, dhe reagoi për këtë veprim të Gjestit. ”I dërgoj një puthje nga studio, ashtu siç veproi edhe ai”,-u shpreh ajo me një buzëqeshje.

Egli theksoi se është gati për një kapitull të ri në industrinë e muzikës. Ajo tregoi ashtu sikurse edhe në ”Trroç me Redin” e kemi thënë, do të vijë në bashkëpunim me Lumin B dhe Getoar Selimin. Në koncerte do ta shohim pas javës së parë të korrikut. Sakaq, nuk u prek tema e Fifit, dhe po ashtu Egli kishte disa mesazhe për komentet, ku tha se nuk i ndalon dot, por i kujtove të gjithëve që të shijojmë jetën.