Në ”Big Brother Albania Vip 2”, tensionet janë rritur. Olta dhe Ermiona janë përfshirë sot në një debat të ashpër me njëra-tjetrën. Teksa ndodheshin në kuzhinë, Olta ofendoi Ermionën duke e quajtur të paedukatë. Pas këtij etiketimi, Ermiona çohet nga karrigia dhe shkon e revoltuar drejt Oltës, të cilën e paralajmëron që të tregohet e kujdesshme në komunikim me të.
Pjesë nga debati:
Olta: Ti je e ashpër dhe e paedukatë.
Ermiona: Paedukatë e the dhe njëherë, shkoj atje (te dhoma rrëfimit) dhe ta tregoj unë sa paedukatë jam.
Olta: Je! Je!
Ermiona: Thuje dhe njëherë thuje që jam e paedukatë.
Olta: Po më kërcënon?
Ermiona: Vazhdo thuje se unë kam punë me ata (produksionin), jo me ty më.
Olta: Je e paedukatë Jona.
Ermiona shkon në dhomën e rrëfimit. Kthehet pas disa minutash dhe debati vazhdon.
Ermiona: Kujdes kur flet. Bëj shumë kujdes kaq po të them. Emrin tim mos e përmend më fare! E përlyen emrin tim po ta përmendësh.