Xheneta për Eglin: Përdor fjalët dhe situatat që kam pasur unë

Xheneta Fetahu ka kritikuar rikthimin e Egli Takos, duke e cilësuar atë si një dështim për të. Ajo akuzoi Eglin se e imiton vazhdimisht, duke përdorur fjalët dhe situatat që ajo ka krijuar gjatë kohës që ka qenë në lojë. Xheneta është shprehur duke thënë:

”Prej momentit kur Egli është rikthyer, është dështim për të. Ajo humb identitetin e saj sepse përdor fjalët dhe situatat që kam pasur unë. Ajo po më imiton tërë kohën. Nuk është vetëm kjo situatë, ka shumë të tjera.

Çdo ditë marr video në Instagram dhe shoh se ajo ka mundësinë të krijojë një identitet të vetin, ka shumë argumente, është një vajzë e bukur dhe e zgjuar. Nuk e kuptoj pse është e nevojshme të më kopjojë mua”,-tha Xheneta në ”E Diell”.