Ylli i popit, Dua Lipa takon ”mbretëreshën” e re të Britanisë

Ylli i popit Dua Lipa, këngëtarja me orgjinë shqiptare, por me famë botërore u shfaq në shoqërinë e ”Queen Consort” Camilla gjatë ceremonisë së çmimeve “Booker” mbrëmjen e së hënës.

Ikona e muzikës shkëmbeu një bisedë të përzemërt dhe plot të qeshura me anëtaren e familjes mbretërore, një admiruese librash. Gjatë dialogut të tyre, në një video që është tashmë virale në rrjetet sociale, Dua shihet duke thënë se “nuk do të këndonte”, një shenjë kjo që Mbretëresha mund të jetë një fanse e madhe e këngëtares.

Dua Lipa i tha se ishte “tej mase e nderuar” si e përzgjedhura për të mbajtur fjalimin kryesor të mbrëmjes. Camilla u shoqërua në ngjarjen e rëndësishme nga motra e saj, Annabel Elliot, ndërsa prezantoi edhe çmimin fitues.

The Queen Consort chatting to British pop star @DUALIPA at the Booker Prize awards in Camden this evening. Dua is delivering a speech at the first in person event since 2019 pic.twitter.com/4j8LmXapzW

— Russell Myers (@rjmyers) October 17, 2022